İntenetin həyatımızda bu qədər önəm daşıdığı bir dönəmdə, ölkəmizdə çap mətubatının dəbdən düşməsi və oxucu sayının kəskin şəkildə azalması artıq danılmaz fakta çevrilib. Oxucu kütləsinin çap mətbuatından çox elektron mətbuata önəm verməsi, xəbər sayt və portallarının populyarlığı bizim ölkə kimi kiçik əraziyə malik olan bir ölkə üçün müzakirə obyektinə çevrilmişdir. Hal-hazırda öndə duran məsələlərdən biri də çap mətbuatına diqqəti artırmaq, oxucuların sayının artırılması, qəzet və jurnallara marağın oyadılmasıdır.
Azərbaycan ilk qəzet çıxmasından əsrlər belə keçsə də
indi durum çox fərqlidir. Oxucu nə istəyir? Qəzet və jurnalların arasında fərq
gözə çarpacaq qədərdir. Qəzetlərin aqibəti daha pisdir. Sosial şəbəkədə
keçirtdiyim sorğu nəticəsində məlum oldu ki, gənclərə əslində səbəb lazım
deyil. Onlar oxumaq istəmirlər. Çoxu üçün çap mətbuatı artıq keçən əsrdə qalıb.
Müəyyən sayda insanlarda bu mətbuata marağı köşə yazıları və məqalələrin oyada
biləcəyinə inanırlar. Ancaq kifayət qədər güclü məqalə və köşə yazıları yazan qəzet
və jurnallar olduğu halda niyə oxucu sayında dəyişikliklər olmur? Bəlkə
doğrudan da ölkəmizdə çap mətbuatının süqut dövrü yaşanır? Həqiqətən də sosial
şəbəkələr və saytlar çap mətbuatını dəfələrlə üstələyib. Bəzi oxuyucular hesab
edirlər ki jurnalistlər mütləq qorxmadan, tam müstəqil şəkildə öz analitik
düşüncəsini ortaya qoyaraq, ölkənin problemləri barədə yazmalıdır. Yazılanların
çoxu iqtidar yönümlü olduğundan əhalinin vəziyyətini, ölkənin vəziyyətini
olduğu kimi, sözün həqiqi mənasında əks etdirmədiyini dilə gətirirlər. Çünki media
cəmiyyətin güzgüsü olmalıdır. Belə olmadığı halda jurnalistlərə, eləcə də həmin
qəzet və jurnalara da inam azalır. Bəzi oxuyucular qəzet və jurnalların üz
qabıqlarının düzgün başlıqlar əks olmamasından oxunmadığını bildirdilər. Yəni,
başlıqlar düzgün seçilmədiyinə görə məqalələr cəlbedici görünmür. Çünki ad məqalə
üçün şəxsiyyət vəsiqəsi kimi bir şeydir. Çox az qism oxuyucular isə qəzet və
jurnalların hazırladığı materialların çox aşağı keyfiyyətə malik olmasından
şikayətçidirlər. Onlara görə həddindən artıq bərbad tərtibat və keyfiyyət
oxuyucu sayına mənfi təsir göstərir. Ölkəmizdə çıxan qəzetlərin demək olar ki
çoxu ağ-qara rəngdə olması oxucuda qəzeti əldə etməkdən vaz keçirdir. Vizual
olaraq ağ-qara rəngə deyil, rəngarən şəkilli və hərfli qəzetlərin daha cəbzedici
görünməsi, onları əldə edib, oxumağa daha çox maraq yarada biləcəyini dedilər.
Jurnallarda qəzetlərdən fərqli olaraq vəziyyət az
da olsa ürək açandır. Jurnalların rəngarəng olması, daxilində yazılardan başqa
fotoların da yerləşdiyini nəzərə alsaq, oxucuların bu cür məqalələri oxumaqları
maraq oyadıcı səbəblərdən sayılır. Son zamanlar təkcə sosial, iqtisadi, siyasi
durumdan deyil, hər hansı incəsənət növünü özündə cəmləyən jurnallar dərc edilməkdədir.
Oxucu kütləsinin əsasını gənclər təşkil etdiyini və bu cür jurnallara daha çox
incəsənətin həmin növü ilə maraqlanan və məşğul olan şəxslərin alıcıya çevrilməsinə
gətirib, çıxardır. Jurnalların pərakəndə satışının, eləcə də jurnallara abunəlik
mümkün olduğundan, onları şəhərin bir çox kiosklarından əldə etmək mümkün olur.
Lakin bunu ölkənin regionları haqqında demək mümkün deyildir. Kioskların digər
şəhər və rayonlarında qıtlığı satışın çox olmamasına əngəllərdən biri sayılır. Təkliflərdən
biri də qəzet və jurnallarda hədiyyə kuponlarının yerləşdirilməsi və hədiyyə
kuponlarını verməklə əvəzində hər hansı hədiyyə əldə etmək oxuyucularda marağa
səbəb olacağını düşünürlər. Bəziləri isə bu fikirdədirlər ki qəzet və jurnalı
yenidən dəbə gətirmək zərurəti yaranmalıdır. Şəhərdə gənclər arasında bu tip
fleşmobların keçirilməsi yenidən mütaliyəyə səbəb ola biləcəyini düşünənlərin də
az olmamasını göstərir. Ancaq əsas səbəblərdən biri kimi də informasiyanın
ifrata varması göstərilir. Gün rəzində həddindən artıq informasiya qəbulu baş
verdiyindən, insan beyninin bu qədər informasiyanı gün ərzində emal etməsi
problemi qəzet və jurnallarda olan informasiyanın əldə edilməsinin qarşısını
alır. İnformasiya ilə dolu beyin digər mənbələrdən informasiya qəbuluna qarşı
baryer yaradır çünki yorulur və oxuduğunu belə anlaşılmayacaq dərəcəyə gətirir.
Ümumilikdə götürsək qəzet və jurnallara marağın
aşağı olmasının əsl səbəbi əhali arasında internetdən geniş istifadə
olunmasıdır. İstənilən insanın evindən, internet klublardan və hətta mobil
telefonlardan çıxışa malik olması, onların yazılarının blog və ya digər
saytlarda problemsiz dərci, oxuyucuların heç bir pul xərclədən həmin yazılarla
tanış olmasına bir başa şərait yaradır. Sözsüz ki kağız məmulatını heç bir
elektron vasitə əvəz edə bilməz. Ümid etmək qalır ki heç də bəzilərinin bədbin
düşündüyü kimi qəzet və jurnallar yaxın on il ərzində tarixə qovuşmayacaq.
Yazıçı və jurnalistlər oxuyucu kütləsinin fikrini nəzərə alaraq, qəzet və
jurnallara yeniliklər gətirməyə çalışacaqlar və bu yolla oxuyucularda daha çox
maraq oyadıcılacaq.
Комментариев нет:
Отправить комментарий